Produto impresionante da terra: a remolacha

É doado cultivar remolacha. Tiñamos unha caixa con plantóns que nos regalou un amigo. Un amigo que, nisto da horta, lévanos vantaxe!

Non só son resistentes a fungos e pragas -unicamente dúas tiveron un pouco de pulgón negro debido ás formigas, pero curaron- senón que non precisan coidado ningún, só rego, e non moito. Medran e listo. Aproveitamos as raíces, claro, e tamén bastantes follas tenras. Collímolas desde primeiros de agosto ata setembro, porque as plantamos en dúas veces separadas uns vinte días.

Hai quen non gusta delas, porque saben a terra. Saben, pero non só a terra! Tamén son doces.

Vai unha preparación tan sinxela como o seu cultivo: peladas, cortadas en rodas grosas e asadas ao forno, xunto con outras verduras: cebolas, allos, zanahorias, cabaza, hinojo... Son perfectas para comer soas ou acompañando carne ou peixe. Tamén poden triturarse para facer unha crema.

Outra maneira: a famosísima sopa ucraniana "borsch". É unha sopa de verán, xa que leva tomates e cebola tenra. Pódese tomar fría ou quente. Na miña opinión, as especias danlle o punto. Eu bótolle pementa negra e comino, pero din que está mellor con alcaravea. Hai moitas versión e non podo dicir cal é máis auténtica; a que eu fago é esta:
- 2 ou 3 remolachas crudas (dependerá do tamaño)
- 2 tomates maduros
- 1 cebola tenra ou 1 porro (a parte branca)
- 1 tallo de apio
- 1 pataca (se queremos)
- aceite de oliva, sal, pementa negra moída e comino moído (pode ser alcaravea en gran ou incluso anís verde)
- Iogur tipo "grego" ou tona espesa

Lavamos de terra as remolachas, pelámolas, lavámolas de novo e cortámolas en anacos grandes. Manchan pero non é para tanto. Pelamos  e lavamos a pataca e cortámola tamén en anacos.  Picamos a cebola e o apio. Pelamos os tomates e cortamos en anacos grandes.

Quentamos un chorro de aceite nunha ola. Rehogamos a cebola, o apio e a remolacha, con coidado de que a cebola non colla cor. Engadimos auga (máximo 2 l) e cando ferva, poñemos a pataca e os tomates. Aderezamos. Deixamos cocer a sopa a lume medio ata que todo está tenro e o tomate se desfixo. Trituramos para lograr unha crema fina e pouco densa. Servimos cunha cullerada de iogur ou tona espesa en cada prato.

E outra maneira máis: ensalada de remolacha. Indicada en especial cando temos moitas e cocémolas para que non se estropeen, pero tamén se pode facer coas que se mercan xa cocidas e envasadas.

Unha receita:
- 2 remolachas cocidas e frías
- 1 tomate grande de ensalada ou unha cunca de tomatiños cherry
- follas de albahaca frescas
- un taco de queixo fresco ou salgado (tipo feta, do país etc.)
- aceite de oliva, vinagre de xerez, sal

Cortamos a remolacha en rodas. Lavamos e cortamos o tomate tamén en rodas, ou os cherries á metade. Facemos unha vinagreta no fondo da ensaladeira, para esta ensalada ou prefiro unha fonte grande e baixa: botamos o aceite de oliva, a sal e o vinagre e remexemos con enerxía cunha culler ata que ligue. Colocamos rodas alternas de remolacha e tomate e botamos por riba o queixo en tacos ou desfeito e as follas de albahaca. Rematamos cunha pouca máis de sal (se o queixo non é salgado) e un chorro de aceite.

Otra receita, que non fago tanto:
- 2 remolachas cocidas e frías, cortadas en rodas
- 1 pepino, pelado e cortado en rodas finas
- 2 ovos cocidos, cortados a metade ou en catro
- follas de albahaca ou de cilantro frescas
- a mesma vinagreta